भूसंपादन शाखेकडील कामकाज

पुणे विभागातील भूसंपादनाबाबत संबंधित जिल्ह्यातील भूसंपादन अधिकारी व संबंधित प्रकल्पामधील संबंधित अधिकारी यांच्या समवेत आढावा बैठक आयोजित करणे व प्रकल्प / न्यायालयीन प्रकरणे / महसूल अभिलेखात संपादन मंडळाच्या नोंदी अद्ययावत करणे / भूसंपादन विषयक सर्व प्रकरणे मुदतीत कार्यवाही करणेकामी नियोजन करणे.

नवीन भूसंपादन, पुनर्वसन व पुर्नस्थापना अधिनियम 2013 अंतर्गत प्राप्त निवाड्यामध्ये विभागीय आयुक्त पुणे यांना प्राप्त वित्तीय अधिकार 10 कोटी व 100 कोटी पर्यंतच्या निवाड्याची छाननी करून मान्यता प्रदान करणे.

भूमिसंपादन अधिनियम 1894 अंतर्गत कलम 18, 28 (अ)(3) खालील मा. दिवाणी व मा. उच्च न्यायालय येथील प्रलंबित असलेल्या भूसंदर्भ प्रकरणाचा आढावा घेणे तसेच कलम 28 (अ) खालील प्रलंबित अर्जाबाबत आढावा घेणे.

भूसंपादन आस्थापनेवरील भूसंपादनाच्या अस्थायी पदांना मुदतवाढ प्रस्ताव शासनास मान्यतेसाठी सादर करणे. वित्तीय त्रैमासिक (खर्च / जमा) विवरणपत्र शासनास सादर करणे.

रेल्वे अधिनियम 1989 सुधारित अधिनियम 2008 अंतर्गत कामकाज व आर्बीट्रेशन (लवाद) अंतर्गत सह.आयुक्त भूसंपादन पुणे यांच्याकडील वाढीव नुकसान भरपाई अपील केसेस (लवाद अर्ज) चालविणे.

पीएमजी/प्रगती/पीएमयू पोर्टल वरील प्रलंबित भूसंपादनाच्या विषयाबाबत आढावा घेणे.